Gjatë një takimi për anëtarësimet e reja në njësinë nr.7 në Tiranë, Sekretari i Përgjithshëm i PD, Gazment Bardhi është shprehur se beteja e ndërmarrë nga opozita, nuk është betejë për pushtet, por betejë për Shqipërinë.
“Ju ftoj të angazhoheni, të bindim çdo qytetar të dalë në protestë më 11 Maj, ora 18:30. Shpjegoni që nuk po bëjmë betejë për të sjellë PD në pushtet. Atë do e bëjmë kur të ketë zgjedhje të ndershme, në fushatë me alternativën tonë”, u shpreh Bardhi.
Gjatë fjalës së tij, pati një episod të papritur. Ezani i një xhamie pranë hotelit ku zhvillohej aktiviteti në zonën e 21 Dhjetorit, e detyroi numrin dy të PD-së të ndërpresë fjalimin.
“Meqë jam nga Kavaja dhe po këndon hoxha, po e ndërpers këtu fjalën time. Zoti e ndihmoftë Shqipërinë”, u shpreh Bardhi.
Me këtë rast mësuam se z. Bardhi është dhe besimtar i devotshëm…
Ndiqeni videon në minutën 28:16
