Gledis Nano emërohet drejtor i Përgjithshëm i Policisë së Shtetit, në vend të Ardi Veliut. Emërimi i Nanos është bërë mesditën e sotme në mbledhjen e Këshillit të Ministrave me firmë të zv/kryeministrit Arben Ahmetaj. Gledis Nano ka mbajtur detyrën e shefit të Anti-Terrorit.
Me datën 30 gusht, Gazeta MAPO, në një raport të sajin, parashikoi se Drejtori i Përgjithshëm i Policisë, Ardi Veliu, i ka ditët e numëruara, dhe se në vend të tij, pritej të vinte Gledis Nano, shefi i anti-terrorit.
MAPO mori në konsideratë disa rrethana, dhe indicie që të çonin tek ky emër.
Dje është mësuar lajmi për largimin e Veliut, ndërsa ministri Brendshëm, Çuçi, bëri një skenë të pahijshme në Komisionin Parlamentar të Sigurisë, duke u shprehur para deputetëve, se do ta merrni vesh kur të mbarojë kandili.
Në fakt, lajmi ishte marrë vesh, por me gjasë, ministri që i vetmi që nuk e dinte.
Më vonë, pas mesditës, u publikua nga Kryeministri Rama letra e dorëheqjes së Veliut.
Ndërkohë, po ju sjellim më poshtë, shkrimin e gazetës Mapo me 30 gusht, ku u parashikua emërimi i sotëm nga shefi i qeverisë.
LEXO EDHE:
Komisari i anti-terrorit që pritet të marrë drejtimin e Policisë së Shtetit
Etiketa: Ardi Veliu, Drejtori i ri i Policise, Gledis Nano
