Një aksident i rëndë me pasojë vdekjen e një personi ka ndodhur mesditën e sotme në qytetin e Burrelit. Mësohet se i aksidentuari është Aqif Ruka, 55 vjeç, i cili është përplasur nga një automjet. Ngjarja ka ndodhur në qendër të qytetit, pranë Postës Shqiptare.
Drejtuesi i automjetit është larguar nga vendi i ngjarjes pas aksidentit.
Mediat lokale bëjnë të ditur se viktima ishte një personazh i njohur në Burrel. Aqif Ruka njihej ndryshe nga matjanët si “Rukja”.
Të shumta janë edhe komentet në rrjetet sociale për të. ““Rukja” pavarësisht fatkeqësive të pësuara në jetë mbahet mend për pozitivitetin që tregonte dhe sigurisht që mungesa e tij në rrugët e qytetit do të ndjehet”, raporton Tv Mati.
Shkaqet e aksidentit mbeten të paqarta, por paraprakisht dyshohet shpejtësia e automjetit tej normave të lejuara.
Sipas dëshmitarëve okularë në vendngjarje nuk ka mbërritur as policia dhe as ambulanca për rreth 15 minuta, ndërsa spitali nga zona ku ka ndodhur aksidenti është vetëm 5 minuta larg.
Njoftimi i plotë i policisë
Burrel, makina përplas këmbësorin dhe largohet nga vendngjarja
Një aksident i rëndë ndodhi këtë të shtunë në qytetin e Burrelit. Një 50 vjeçar u përplas për vdekje në qendër të qytetit pranë Postës Shqiptare.
Viktimë mbeti shtetasi me inicialet A.R i cili po kalonte nga njëra anë e rrugës në tjetrën. Edhe pse ai u dërgua në spitalin e Burrelit nuk mundi t’i mbijetonte goditjes së rëndë.
Drejtuesi i mjetit u largua nga vendi i ngjarjes, ndërsa policia është vënë në kërkim të tij.
Grupi hetimor shkoi pranë vendit të aksidentit për të zbardhur shkaqet e vërteta të ngjarjes së rëndë.
Etiketa: Aksident ne Burrel, Aqif Ruka, Mat, Rukja i Burrelit
