Ish-kryeministri Sali Berisha vetëm pak orë më parë ka prezantuar në Rrogozhinë kandidatin e “Shtëpisë së Lirisë”, Hekuran Xhanin për zgjedhjet e 6 marsit.
Berisha tha se Xhanit duhet t’i besohej vota për 6 marsin, duke e quajtur atë një “qytetar të përkushtuar, demokrat të ndershëm, njeri që ka sakrifikuar vite, mund, djersë, punë në shërbim të fermerëve të kësaj zone dhe demokrat të orëve të para, të palëkundur e të vendosur”.
Pas prezantimit të tij si kanidat për kryebashkiak, në media ka dalë një video ku ai shan të gjithë politikanët. Nën efektin e alkoolit Xhani e quan Berishën “Sali kur*va”.
“Edhe Serbia na e ka zili kët klasë politike. Salë kur*a Fatos kur*a, Edi kur*a, Lul kur*a kanë përzu 50% të shqiptarëve prej Shqipërie. Edhe Serbia them unë këtu, edhe Serbia na e kanë zili se nuk kanë përzi 50% të Shqipërisë” dëgjohet të thotë Xhani në video.
