Nënkryetari i PD, Edi Paloka ka publikuar një video në lidhje me tërheqjen e Edi Ramës nga padia për gazetarin e BILD, Peter Tiede. Më herët kreu i qeverisë u shpreh se ishte nisur nga ana njerëzore kur kishte njohur shefat editorialistë të gazetës më të madhe në Europë, duke tërhequr kështu edhe kallëzimin për gazetarin gjerman.
Në një postim në Twitter, kryeministri përdori edhe një shprehje të tillë si: “Në greqishten e vjetër idiot quhej personi që s’duhet të merrej me çështje të interesit publik, po vetëm me punët e veta”, duke iu referuar akuzave të adresuara nga opozita, pas tërheqjes nga gjyqi me BILD.
Pas kësaj deklarate të Ramës, ka reaguar numri dy i PD, Edi Paloka duke i kujtuar kryeministrit bashkëpunëtorët e tij në shitblerjen e votave apo edhe akuzat për nxitje të kultivimit të narkotikëve në vend.
“Ja dhe prova e te gjithe idiotsise politike dhe njerezore qe personifikohen tek kryeministri i ketij vendi. Paska njohur shefat e “Bild”-it dhe “per shoqni” qenka terhequr nga gjyqi…! “Njerezore” -shkruan ai njerezori. Po me sa duket ata ( shefat e “Bild”-it) nuk kane te njejtin koncept si kryeministri yne per “shoqnine” e nuk jane aq “njerezore” …Ata nuk jane terhequr nga akuzat dhe denoncimet , perkundrazi…”, shkruan Paloka.
LEXO EDHE:
Etiketa: bild, Edi Paloka, Edi Rama, peter tiede, Video
