Më datë 01 korrik 2021, 3 persona u arrestuar pranë “Rrugës së Kosovarëve” në Tiranë, pasi u kapën me kokainë në makinë, ndërsa njëri prej tyre duhej të ishte nën masën e arrestit të shtëpisë.
Mes personave të arrestuar është edhe Elefterios Sullaj, oficer i patrullës së përgjithshme në Komisariatin e Policisë nr.2 në Tiranë dhe djali i ish-zv/drejtorit të policisë, Pandeli Sullaj. Në rrjetet sociale, efektivi i policisë ka publikuar foto me babain e tij funksionarë policie.
Por jo vetëm kaq, ai ka publikuar edhe një foto me ish-kryeministrin Fatos Nano, në dukje një takim rastësor mes tyre në një sallë lojërash.
Dy të arrestuarit e tjerë janë miq të tij, Mikel Zhegu dhe Eris Tafa. Këta shtetas në bashkëpunim me njëri-tjetrin ishin përfshirë në shpërndarjen e drogave të forta.
Këta shtetas në bashkëpunim me njëri-tjetrin ishin përfshirë në shpërndarjen e drogave të forta.
Arrestimi i tyre erdhi pas disa muajsh hetime të SPAK me metoda proaktive. Eris Tafa ishte në masën e arrestit të shtëpisë, pasi ishte dënuar për shpërndarje të lëndëve narkotike.
LEXO EDHE:
Përgjimet – Polici i ndihmonte për shitjen e kokainës në Tiranë: Jepu lekë
U kap me drogë në Tiranë, dëshmia e policit: Jam përdorues kokaine
Etiketa: Elefterios Sullaj, Eris Tafa, Fatos Nano, Mikel Zhegu, Pandeli Sullaj, trafik kokaine
