Egjipti ka zbuluar një koleksion misterioz të arkivoleve që mendohet se përmbajnë skelete njerzore (mumie) që janë mbyllur brenda për më shumë se 2,500 vjet.
Ministrisë së Turizmit dhe Antikiteteve të Egjiptit thotë se janë 13 arkivole të pahapura, të cilat u gjetën të grumbulluara njëra mbi tjetrën në një pus gati 12 metra të thellë. Ato janë ruajtur aq mirë sa modelet dhe ngjyrat origjinale të hollësishme janë lehtësisht të dukshme.
Arkeologët që bënë zbulimin në Saqqara, një vend antik që shtrihet rreth 20 milje në jug të kryeqytetit të Egjiptit dhe është gjithashtu shtëpia e monumenteve duke përfshirë Piramidën e Hapit, që besohet të jetë më e vjetra në botë, pritet të bëjnë më shumë zbulime në ditët e ardhshme.
Në një postim në Twitter, Khaled El-Enany, Ministri i turizmit në Egjipt, tha se ishte “një ndjenjë e papërshkrueshme kur dëshmon një zbulim të ri arkeologjik”.
Zbulimi vjen vetëm një javë pasi shteti rihapi vendet e tij arkeologjike dhe muzetë për vizitorët pas mbylljeve në mars për shkak të pandemisë globale të koronavirusit.
Turizmi është jetik për ekonominë në Egjipt, e cila mirëpriti më shumë se 13.6 milion vizitorë në 2019. Më shumë se një milion njerëz punojnë në këtë sektor.
Gjetja e fundit e lashtë pas zbulimit të arkivoleve të tjerë në Saqqara ishte në fillim të këtij viti. Në prill, arkeologët zbuluan katër arkivole që përmbajnë mumje, së bashku me pesë sarkofagë gëlqerorë në një bosht varrimi./CNN/
Përshtati për Mapo.al: Melisa Bramka
Etiketa: arkeologji, Egjipt, zbulim
