Kryeministri Edi Rama nuk është më i besueshëm për Berlinin. Deklarata vjen nga një prej ekspertëve të njohur për çështjet evropiane. Milan Nic është kreu i Programit për Europën në Institutin e Politikave GLOBSEC në Brastislavë.
Sipas tij, Bashkimi Europian po e tradhton Ballkanin dhe një ndër shkaqet lidhet me rënien e besueshmërisë për Edi Ramën në Berlin.
“Një tradhti për Ballkanin nga ana e BE-së. Djalli fshihet në detaje dhe nuk ka të bëjë asgjë me Maqedoninë e Veriut. Pikat kyçe: 1- Rënia e besueshmërisë për Edi Ramën në Berlin, 2- Politika e koalicionit gjerman, 3 Maqedonia si ‘dëm kolateral’ për të blerë kohë për Shqipërinë”, shkruan Nic në Twitter.
Komenti i tij është pëlqyer nga Florian Bieber, një profesor i njohur austriak, që ka kritikuar kohët e fundit qeverisjen e Edi Ramës.
Ndërkohë Presidenti i Këshillit Evropian, Donald Tusk, tha të mërkurën se mbështet hapjen e negociatave për anëtarësim me Shqipërinë dhe Maqedoninë e Veriut, por paralajmëroi se jo të gjitha vendet anëtare të Bashkimit Evropian pajtohen me këtë vlerësim.
Etiketa: BERLIN, besueshmëria, Edi Rama, eksperti, Milan Nic, negociatat
