Hetuesit kanë siguruar rreth 30 kamera sigurie, për të cilat mendojnë se do të ndihmojnë në identifikimin e autorëve që ekzekutuan Bardhok Pllanajn, mbrëmjen e së dielës në Shkodër. Por, pjesa më e madhe e bizneseve, i kanë vendosur kamerat e sigurisë në mënyrë që të kenë pamje vetëm tek dyert e tyre, dhe jo nga rruga kryesore, për shkak të frikës nga grupet kriminale. Duket se kjo po e vështirëson punën e hetuesve
Kamerat janë sekuestruar në aksin rrugor nga rrethrrotullimi në Dobraç e deri tek rrethrrotullimi i “5 heronjve”, vend ky ku kanë kaluar autorët dhe u krye ekzekutimi.
Një sërë kamerash sigurie janë sekuestruar edhe në spitalin e këtij qarku, aty ku Pllanaj kishte të shtruar nënën e tij dhe kishte qëndruar disa minuta para se të ekzekutohej me breshëri plumbash.
Ndërsa disa kamera të vendosura përgjatë spitalit kanë fiksuar momentet ku Pllanaj është ndjekur gjatë gjithë kohës nga një mjet tip ‘Passat’, që më pas rezultoi të ishte i njëjti me atë të përdorur nga atentatorët e që u dogj pas krimit.
Nga ana tjetër, edhe një nga dy celularët e viktimës që për hetuesit është provë kyçe nuk është mundur ende të çkodohet, pasi rezulton me mbrojtje të veçantë.
