Elbasani nuk gjen qetësi. Këtë mbrëmje është ekzekutuar një i ri 23-vjeçar, i identifikuar si Regis Runaj. Burime bëjnë me dije se i riu ishte mik i ngushtë i Emiljano Ramazanit. Ky i fundit u ekzekutua po në këtë qytet më 20 korrik.
Nuk dihet ende shkaku i vrasjes së tij, por dyshimi kryesor mbetet prishja e pazareve të drogës dhe bashkëpunimi me Emiljano Ramazanin.
Trupi i Runajt u gjet i vdekur pranë varrezave në lagjen “Emin Matraxhiu” në Elbasan mbrëmjen e sotme.
23-vjeçari është gjetur i pajetë rreth orës 22:10 nga policia dhe mendohet se ai është vrarë pak orë më parë me thikë.
Pasi është vrarë, trupi i tij është hedhur afër varrezave, një rrugë qorre ku nuk kalojnë njerëz.
Policia nëpërmjet një njoftimi zyrtar bën me dije se e ka identifikuar autorin dhe po punon për kapjen e tij, ndërsa ka ngritur edhe postoblloqe.
***
Emiljano Ramazani vra më 20 korrik të këtij viti, ndërsa po parkonte makinën e tij tip “Ford Focus” me targa AA 945 DG mes pallateve pranë vendit të quajtur “Rrethrrotullimi i luleve” në hyrje të qytetit të Elbasanit, kur një person iu afrua dhe e qëlloi për vdekje 5 herë me pistoletë nga xhami i pasagjerit.
Vrasja e tij lidhet me larje të hesapeve të drogës, ku viktima njihet si shpërndarës në qytetin e Elbasanit. Madje 40-vjeçari është proceduar tre herë për këtë veprimtari kriminale ku një herë është dënuar dhe dy herë është deklaruar i pafajshëm, megjithëse në dosje nuk mungonin provat.
LEXO EDHE: