Aktualitet

Emiliano, shqiptari rekordmen i dëbimeve nga Italia





Na ndiqni në Facebook
               Publikuar në : 15:46 - 08/06/19 |
mapo.al

Rekord mund të quhet historia e dëbimeve të një 36-vjeçari shqiptar. Pas dy javësh nga deportimi i herës së fundit, i riu Emiliano Fejzo, nuk rezistoi dhe u kthye sërish në Itali.


Por menjëherë u pikas nga forcat e rendit, të cilët e arrestuan për hyrje të paligjshme në shtetin italian. Ai është me precedentë të mëparshëm penal, shumicën e të cilave i ka në fushën e vjedhjes.



Janë disa prefektura në Itali që kanë dekretuar dëbimin e të riut shqiptar. Përpara Reggio Emilia-s, dëbimin e Fejzos e firmosën Bologna dhe Treviso. Kanë qenë vetë autoritetet që kanë bërë shoqërimin e tij fizik duke kthyer shqiptarin në doganë.


Mirëpo me këtë të fundit, shqiptari do të arrijë shifrën e 14 dëbimeve, të cilat mediat italiane i cilësojnë si një rekord jo për t’u mburrur.

Mësohet se ai u kthye në Shqipëri më 23 Maj të këtij viti. Pas 8 muajsh burg, Fejzo erdhi në atdhe me një linjë direkte nga Malpensa. Siç shkruajnë mediat italiane “ai nuk mund të qëndrojë larg Italisë”, duke u kthyer sërish dhe duke u kapur kësaj here në Reggio Emilia.


Etiketa: , , , ,

Pas