Dy persona janë arrestuar nga Policia e Durrësit për sasinë e kokainës së kapur mbrëmjen e djeshme në një kontenier në portin e qytetit bregdetar.
Në pranga janë vendosur shtetasi Arben Ferizi 30 vjeç, administrator i kompanisë që kishte porositur ngarkesën e mishit të pulës në Brazil ku u gjet droga. Po ashtu është arrestuar edhe 39-vjeçari Egert Vargu me detyrë agjent doganor i kontraktuar nga kjo kompani.
Kontenieri me mish pule dhe ishte nisur tranzit nga Brazili, për llogari të një subjekti tregtar në Maqedoninë e Veriut.
“Si rezultat i kontrollit të imtësishëm të ushtruar në kontenier, në brendësi të ngarkesës me mish pule u gjetën 40 pako me lëndë të dyshuar narkotike kokainë, me peshë 45 kg e 500 gramë,” thuhet në njoftimin e policisë.
