Një 41-vjeçar shqiptar ka rënë në prangat e policisë italiane, pasi akuzohet për disa vepra të rënda penale.
Altin Arapi, akuzohet për vrasjen e një senegalezi në vitin 2014.
Arapi së bashku me persona të tjerë ekzekutuan me armë senegalezin për shkak se kishte mërzitur disa nga prostitutat nën administrimin e shqiptarëve.
Mediat italiane raportojnë se 41-vjeçari u dëbua në prillin e këtij viti nga Italia, pasi konsiderohej i rrezikshëm.
Pavarësisht se ai u dëbua, shqiptari ka hyrë sërish në Itali në mënyrë ilegale.
Ndaj tij u caktua masa e sigurisë ‘arrest shtëpie’, ndërkohë që seanca e radhës tashmë është caktuar për 12 janarin e ardhshëm.
