Aurel Latifi është i riu, që tentoi të futet me dhunë në ambientet e Kryeministrisë dhe që më pas u arrestua nga policia.
Sipas policisë, 32 vjeçari ka goditur njërin prej punonjësve të Gardës së Republikës që shërben te dera e Kryeministrisë.
“Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit A. L., 32 vjeç, për veprën penale “Prishja e qetësisë publike”, pasi ka goditur kabinën e rojeve të sigurisë së Gardës së Republikës dhe ka tentuar të futet në ambientet e Kryeministrisë”, njoftoi policia më herët.
