Njoftim
Në zbatim të nenit 22, pika 2, gërma “ç” dhe 25, pika 1, të Ligjit Nr.102/2015, “Për Sektorin e Gazit Natyror”; nenit 19, pika 1 gërma ”a”, të “Rregullores për Organizimin, Funksionimin dhe Proçedurat e ERE-s”; nenit 10, pika 8, të “Rregullores për proçedurat dhe afatet për dhënien, modifikimin, transferimin, rinovimin ose heqjen e licensave në sektorin e gazit natyror”, bëjmë me dije se shoqëria “MobiGas ALBA” sh.p.k., ka aplikuar në Entin Rregullator të Energjisë, për licencimin në veprimtarinë e Tregtimit të Gazit Natyror.
Me vendimin nr.96, datë 08.06.2020, Bordi i ERE-s, filloi procedurën për licencimin e shoqërisë “MobiGas ALBA” sh.p.k., në veprimtarinë e Tregtimit të Gazit Natyror.
Ftohen palët e interesuara të shprehin opinionet dhe komentet e tyre me shkrim brenda 10 ditëve pune nga data e parë e publikimit të këtij njoftimi, pranë zyrave të ERE-s në adresën: Bulevardi “Bajram Curri”, Rruga Viktor Eftimiu, 1023, Tiranë.
KRYETARI
Petrit AHMETI