Sot, më 9 dhjetor, Zëvendës Ndihmës Sekretari i Shtetit i SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor Gabriel Escobar po zhvillon vizitën e tij të parë në Shqipëri, me qëllimin për të thelluar miqësinë e ngushtë, e mbështetur në vlerat e përbashkëta demokratike.
Escobar po takohet me Kryeministrin Rama, Ministren e Jashtme Xhaçka, Kryetarin e Partisë Demokratike Basha dhe udhëheqës të tjerë për të rikonfirmuar mbështetjen e palëkundur të Shteteve të Bashkuara për demokracinë e Shqipërisë, integrimin në BE, bashkëpunim më të fortë në mbrojtje dhe mundësi për tregti e investime.
Escobar është shprehur se jam i lumtur që jam në Tiranë për herë të parë dhe është shprehur i kënaqur nga takimi me opozitën dhe angazhimet e marra prej saj kundër korrupsionit.
Takimi me Lulzim Bashën ishte takimi ieparë për Escobar në Tiranë.
Escobar po takohet tani me Ministren Okra Xhaçka dhe në orën 17 me Kryeministrin Edi Rama.
Vizita do të mbyllet me një darkë zyrtare organizuar nga Kryeministri Rama me praninë e disa ministrave, ndërsa Escobar do të shoqërohet nga ambasadorja Kim.
Ambasada e USA në Tiranë ka theksuar se, ashtu siç shkruhet në Urdhrat Ekzekutivë të Presidentit Biden, Escobar do të diskutojë gjithashtu edhe mbi vendosmërinë e Shteteve të Bashkuara për të luftuar korrupsionin, pandëshkueshmërinë dhe përpjekjet për të minuar demokracinë në Ballkanin Perëndimor.
Pikërisht në Ditën Ndërkombëtare Kundër Korrupsionit, Ambasada e USA ka bërë edhe një deklaratë publikë jë rrjetet sociale:
“Korrupsioni kërcënon sigurinë, barazinë ekonomike, minon sundimin e ligjit dhe zbeh besimin e publikut në institucionet qeveritare.
Korrupsioni kërcënon të drejtat politike dhe liritë civile në nivel global dhe çon në gërryerjen e demokracisë dhe të drejtave të njeriut.
Lufta kundër korrupsionit kërkon më shumë se fjalë, prandaj Shtetet e Bashkuara janë donatori më i madh në botë për mekanizmat kryesorë kundër korrupsionit, për të siguruar që vendet të përmbushin detyrimet e tyre.
Në Ditën Ndërkombëtare Kundër Korrupsionit, Shtetet e Bashkuara konfirmojnë përkushtimin tonë për t’i mbajtur përgjegjës aktorët e korruptuar.
Ne u bëjmë thirrje të gjitha vendeve që t’u përmbahen angazhimeve të tyre për të luftuar korrupsionin.
Ndërkohë Lulzim Basha bëri një komunikim me gazetarët pas takimit me Zëvendës Ndihmës Sekretarin e Shtetit të SHBA për Çështjet Europiane dhe Euroaziatike, Gabriel Escobar, ku theksoi se e mirëpriti takimin me Escobar dhe theksoi vendosmërinë e Partisë Demokratike në luftën kundër korrupsionit, Vetting politik, etj.
Lufta kundër korrupsionit është interes kombëtar per Shtetet e Badhkuara të Amerikës, është interes kombëtar edhe për Shqipërinë – u shpreh Basha
“Kënaqësi e veçantë të prisja sot Zëvendës Ndihmës Sekretarin e Shtetit të SHBA z. Gabriel Escobar, në vizitën e tij të parë në Shqipëri. SHBA 🇺🇸 do të jenë në krah të Shqipërisë 🇦🇱 dhe shqiptarëve, si gjatë gjithë historisë sonë, në proceset jetike të forcimit të demokracisë dhe luftës kundër korrupsionit. Këto janë prioritetet e Partisë Demokratike për të sjellë ndryshimin dhe mirëqenien për shqiptarët.”
