Vendosmëria e ish-kryeministrit Sali Berisha për të qenë aktivë në politikë, vijon t’i përgjigjet me të njëjtën forcë vendosmëria e SHBA për të mos bashkëpunuar me një person të shpallur ‘non grata’.
Sekretarit amerikan të Shtetit për Evropën dhe Euroazinë, Gabriel Escobar ka përsëritur sërish qëndrimin e tij kundër Berishës, në një intervistë për median e Kosovës, Reporteri.net.
Sipas tij, presidenti amerikan, Joe Biden, dhe sekretari i shtetit, Antony Blinken, kanë folur qartë për shpalljen non grata të ish-kryeministrit, Sali Berisha.
“Nuk është normale dhe nuk është e pranueshme që një person, i sanksionuar për vepra të mëdha të korrupsionit të jetë fytyra e ndonjë partie. Dhe në këtë aspekt, e kemi bërë të qartë që nëse Partia Demokratike ose ndonjë parti tjetër udhëhiqet apo përfaqësohet nga ndonjë person, i sanksionuar nga Sekretari i Shtetit për vepra të mëdha të korrupsionit, atëherë nuk mund të pritni marrëdhënie normale”, është shprehur Gabriel Escobar, i dërguar i SHBA për Ballkanin Perëndimor.
Escobar shtoi se Shtetet e Bashkuara do t’ju kërkojnë llogari të gjithë atyre njerëzve për angazhim në vepra të mëdha të korrupsionit ose në përpjekje për minimin e demokracisë anembanë botës dhe në mënyrë specifike në Ballkanin Perëndimor.
