Betty White është aktore dhe komediane amerikane, e cila ka karrierën më të gjatë televizive ndonjëherë. Ajo ka një karrierë mbi 70-vjeçare në aktrim, komedi, shkrim, aktivizim, televizion dhe radio. Jeta dhe paraqitja e saj ende i motivon njerëzit, ndër të tjera shumë janë kureshtarë ta dinë mënyrën se si ajo ka menaxhuar jetën të jetë në gjendje kaq të mirë. Megjithëse i ka mbushur 97 vjeç në janar të këtij viti, ajo duket ende në formë të shkëlqyer.
Cili është sekreti i saj?
Betty kishte vendosur që sekretin e saj ta zbulonte në një intervistë me Al Roker, duke e shpjeguar misterin e rinisë. Ajo thotë se thjesht përqendrohet ta shijojë jetën në maksimum – pra, këshilla është të jetoni të lumtur!
Qëndrimi i saj është që gjithmonë të përqendroheni në pozitiven dhe asnjëherë në negativen. Ajo e ka kuptuar se shumë njerëz gjejnë diçka për t’u ankuar, në vend se të thonë: “Hej, kjo ishte e mahnitshme”. Sipas saj, nuk është e vështirë të gjeni gjëra të mahnitshme kur i kërkoni. Kur është fjala për t’u ushqyer për një jetë të gjatë, ajo nuk e kufizon veten vetëm me ushqime të shëndetshme, por konsumon gjëra të cilat i pëlqen (vodka dhe hot dog).
Betty gjithashtu ju këshillon ta gjeni një hobi sepse është e mahnitshme për ta mbushur trupin energji, për ta forcuar sistemin e imunitetit, për ta rritur vetëbesimin, për ta reduktuar stresin dhe për ta përmirësuar kualitetin e gjumit. Në fund, ajo thotë se çdo njeri duhet të jetë zemërgjerë dhe i sjellshëm në mënyrë që të ketë sukses në jetën personale dhe profesionale.
Etiketa: Betty White, moshe, sekrete
