Euglen Halili ka bashkëpunuar me drejtësinë. Ai pranon autorësinë e vrasjes së 23-vjeçarit Renis Runaj në afërsi të varrezave në Elbasan, dhe hedh poshtë akuzat për vrasjen e Emiljano Ramazanit.
Vrasja e Renis Runaj
Halili pohon për të parën herë se e ka goditur Runajn 27 shtatë herë me thikë pas shpine, teksa ndodhej mbi motorin e tij, duke i shkaktuar kështu vdekjen e menjëhershme. Ai gjithashtu rrëfen se vrasjen e planifikoi bashkëpunëtori, Xhulio Hoxha. Halili shton se Hoxha i ka paguar një sasi të konsiderueshme parash, të cilat i kanë dhënë shtysën që të fillojë të planifikojë vrasjen e Runajt.
Goditja ka ndodhur nga prapa dhe Runaj nuk ka pasur asnjë mundësi të reagojë dhe kundërvihet për t’u vetëmbrojtur. Sipas dëshmisë së Halilit, së bashku me Hoxhën, është rrëzuar nga motori gjatë tentativës për vrasje, si dhe ka vijuar ta qëllojë me thikë Runajn, derisa ndërroi jetë.
Halili është larguar nga skena e krimit me motorin që drejtonte viktima, mjet nga i cili u zbardh e gjithë ngjarja. Policia mundi të sekuestrojë motorin, gjatë kontrolleve në banesat e personave të dyshuar. Pikërisht në këtë motor, u gjend gjurmë gjaku nga viktima Regis Runaj dhe një gjurmë gishti të Euglen Halilit.
Vrasja e Emiljano Ramazanit
Euglen Halili e mohon autorësinë e vrasjes së Emiljano Ramazanit mesditën e 20 korrikut te vendi i njohur ndryshe si “Rrethrrotullimi i Luleve” në Elbasan. Ai pohon se ka luajtur vetëm rolin e informatorit, jo të ekzekutorit. “E mbajta në vëzhgim Emiljano Ramazanin. Kam qenë informator, nuk e kam qëlluar unë”, thotë Halili për rastin e Emiljano Ramazanit, person ky me precedent të mëparshëm penal në fushën e narkotikëve. Ai njihet edhe si mik i Talo Çelës, i cili ndodhet ende në arrati për “Grabitjen e Rinasit”.
