Kombëtarja kuqezi ka njohur sot kundërshtarët e saj për kualifikueset e Kampionatit Europian “EURO 2024”. Shorti i mbajtur këtë të diel në Frankurt të Gjermanisë, në letër duket disi favorizues për kuqezinjtë, pasi janë evituar skuadrat e mëdha.
Por nuk mund të quhen të lehta skuadra si Polonia dhe Çekia. Edhe pse ëndrra për të marrë pjesë në “EURO 2024” duket e realizueshme, kuqezinjtë duhet të lënë pas dy prej skuadrave të Europës Qendrore, të cilat kanë arritur sistematikisht të kualifikohen në eventet e mëdha.
Shqipëria do të jetë në grupin E, ku në vazon e parë, kuqezinjtë kanë gjetur sërish Poloninë, përfaqësuese të cilët e patëm edhe në kualifikueset e Botërorit të Katarit.
Në vazon e dytë, u përzgjodh skuadra e Republikës Çeke. Nga vazo e katërt nga goglat e hedhura janë Ishujt Faroe, ndërsa në vazon e pestë është Moldavia. Vendi i tretë, duke lënë pas Moldavinë dhe Ishujt Faroe, është më i mundshmi, por ajo që do të jetë sukses është nëse kuqezinjtë do të lënë pas një prej dy skuadrave të mëdha, Poloninë ose Çekinë.
Trajneri Edi Reja tha se vendi i dytë do të jetë objektivi ynë dhe përcaktoi Çekinë si rival , megjithatë, pas dy ndeshjeve miqësore të tetorit, trajneri italian prej të konfirmohet ose në stolin kuqezi. Me shumë mundësi ai nuk do të jetë më tej trajner, pasi t’i ketë përfunduar kontrata në muajin nëntor.
Shqipëria në kualifikueset e Europianit të ardhshëm do t’i bëjë llogaritë me një trajner të ri, i cili do të nisë muajin tjetër nga puna. Në këto kualifikuese do të marrin pjesë 53 skuadra, ndërsa Gjermania është e kualifikuar automatikisht si organizatore e Europianit dhe nuk ka marrë pjesë në short ashtu si Rusia, që mbetet e përjashtuar nga kompeticionet ndërkombëtare.
Shorti i plotë i kualifikueseve Euro 2020:
Grupi A – Spanjë, Skoci, Norvegji, Gjeorgji, Qipro
Grupi B – Holandë, Francë, Irlandë, Greqi, Gjibraltar
Grupi C – Itali, Angli, Ukrainë, Maqedoni e Veriut, Maltë
Grupi D – Kroaci, Uells, Armenia, Turqi, Letoni
Grupi E – Poloni, Republika Ceke, Shqipëri, Ishujt Faroe, Moldavia
Grupi F – Belgjikë, Austri, Suedi, Azerbajxhan, Estoni
Grupi G – Hungari, Serbi, Mali i Zi, Bullgari, Lituani
Grupi H – Danimarkë, Finlandë, Slloveni, Kazakistan, Irlandë e Veriut, San Marino
Grupi I – Zvicër, Izrael, Rumani, Kosovë, Bjellorusi, Andorra
Grupi J – Portugali, Bosnjë Hercegovinë, Islandë, Luksemburg, Sllovaki, Lihtenshtejn
