Aktualitet

Fëmijët e Khashoggi falin vrasësit e babait të tyre





Bëni LIKE faqen zyrtare në Facebook
               Publikuar në : 22:40 - 23/05/20 |
mapo.al

Fëmijët e gazetarit të vrarë saudit, Jamal Khashoggi, kanë falur publikisht vrasësit e babait të tyre, duke i shpëtuar kështu 5 agjentët qeveritarë nga dënimi me vdekje.


Salah Khashoggi, djali i madh i kritikut të ndjerë të qeverisë së Arabisë Saudite, e njoftoi faljen në Twitter, ditën e premte: “Ne kujtojmë fjalët e Allahut të Madhërishëm: “Kushdo që fal, do të shpërblehet”. Kështu që ne, djemtë e martirit Jamal Khashoggi, njoftojmë se kemi falur ata që vranë babain tonë”.


Sipas ligjit saudit, falja e vrasjes nga djali i viktimës shërben ligjërisht si anulim i dënimit me vdekje.


Dhjetorin e kaluar, 5 agjentë qeveritarë u dënuan me vdekje për vrasjen e Khashoggit në konsullatën e Arabisë Saudite në Stamboll, ngjarje që ndodhi në Tetor të vitit 2018.


Vitin e kaluar, një burim tha për CNN se familja e Jamal Khashoggi ka marrë disa milionë dollarë para në dorë si dëmshpërblim, por djemtë e Khashoggi e kanë mohuar gjithmonë se janë kompensuar nga qeveria saudite.


Etiketa: , , , , ,

Pas