Thuajse të gjithë reperët në të gjithë botën kanë tëndecën të kthejnë në vargje jetën dhe forcën e dominimit që kanë në shoqëri. Edhe reperët në shqiptarë nuk bëjnë përjashtim. Të shumta kanë qenë rastet kur këta të rinj janë përplasur edhe fizikisht me njëri tjetrin për të treguar dominancën.
Reperi nga Kosova Feronit Shabani, i njohur ndryshe si Fero, është rikthyer sërish ditët e fundit në vëmendjen e publikut. Unikkatil kishte një “diss” në këngën e re për reperin nga Gjilani dhe kaq u desh që Fero të ‘’aktivizohet’’ me të shara, kërcënime si dhe një këngë me të cilën i ktheu dissin Viktorit.
Por, Fero nuk ka mjaftuar me kaq. Së fundmi, ai ka publikuar në Tik Tok një video ku shfaqet i nervozuar, del nga makina dhe fillon të godasë një qytetar, të cilit nuk i duket fytyra.
“Kush o këtu veç një gangster, a, kush o?”, janë fjalët e reperit në momentin kur godet qytetarin. Më pas, ai sfidon të gjithë të tjerët që të zihen me të.
