7 nxënës të gjimnazit “Janaq Kilica” janë helmuar në Fier. Nxënësit ishin duke zhvilluar mësim në laborator, kur nuk janë ndjerë mirë edhe është dashur që të çohen me urgjencë në spital.
Nxënësit po mbahen në kontroll nga mjekët dhe mendohet se një eksperiment i shkuar keq, ka shkaktuar helmimin e tyre. Policia dhe ambulance ndodhen në vendin e ngjarjes.
Njoftimi
Sot rreth orës 13:10, në lagjen “Kastriot”, në një shkollë të mesme në Fier, në kabinetin e laboratorit, gjatë mësimit, 6 nxënës kanë pasur të kollitura dhe vështirësi në frymëmarrje.
Menjëherë nxënësit janë çuar për kontroll mjeksor në Spitalin Rajonal Fier dhe janë në gjendje të mirë shëndetësore.
Paraprakisht nuk dihet kush ka qënë shkaku i kësaj situate.
Në vendin e ngjarjes shkoi grupi hetimor dhe po punohet për sqarimin e rrathanave dhe gjetjen e shkakut të kësaj ngjarje.
