Është arrestuar ditën e sotme Renard (Krenar) Dashi, 46 vjeç, banues në Radostinë Vadhizë, Fier.
Operacioni u zhvillua gjatë natës, në fshatin Radostinë Vadhizë. Ai është i dënuar me 15 vite e 5 muaj burg nga drejtësia italiane, për veprat penale të “Skllavërisë dhe shfrytëzimit të prostitucionit”.
Dashi ishte gjithashtu i shpallur në kërkim ndërkombëtar nga Interpoli. Po vijon puna e ekstradimit të 46-vjeçarit drejt Italisë.
Njoftimi i policisë
Fier
Operacion për kapjen e personave shumë të kërkuar, të shpallur në kërkim ndërkombëtar.
Operacioni nga Seksioni për Hetimin e Trafiqeve të Paligjshme në DVP Fier, në bashkëpunim me Interpol Tirana.
Lokalizohet, kapet dhe ndalohet një shtetas shqiptar, i dënuar me 15 vite e 5 muaj burg nga drejtësia italiane, për veprat penale të “Skllavërisë dhe shfrytëzimit të prostitucionit”.
Operacioni u zhvillua gjatë natës, në fshatin Radostinë Vadhizë, ku falë një pune të mirëorganizuar hetimore dhe informacioneve të marra në rrugë operative, u bë kapja dhe ndalimi i shtetasit të shpallur në kërkim ndërkombëtar:
•Renard (Krenar) Dashi, 46 vjeç, banues në Radostinë Vadhizë, Fier.
Ky shtetas ishte shpallur në kërkim ndërkombëtar, pasi Autoritetet Gjyqësore të Milanos Itali e kanë dënuar me 15 vjet e 5 muaj burg për veprat penale të “Skllavërisë dhe shfrytëzimit të prostitucionit”.
Interpol Tirana, në bashkëpunim me Interpol Romën po vijon procedurat për ekstradimin e këtij shtetasi drejt Italisë.
