FIFA po studion një revolucion që mund të nisë në 2027-ën. Zhvillimin e kampionateve Botërorë dhe Europianë, ( si dhe turnetë e tjerë kontinentalë, si Kupa e Afrikës dhe ajo e Azisë), çdo dy vjet me kalendarë të rikonfiguruar krejtësisht, por Uefa nuk është shumë dakord, duke qenë se ky projekt do të peshonte mbi kampionatet kombëtare dhe natyrisht për Kupat Europiane për klube. Një përballje në një lloj mënyre kjo mes dy organeve më të rëndësishme të futbollit botëror
Studimi i mundësisë për ta realizuar këtë projekt ka nisur nga FIFA mbi bazën e idesë që Botërori dhe Europiani do të zgjasin 5-6 javë, me nivel shumë të lartë konkurrence. Objektivi është që të aprovohet në kongresin e FIFA-s në maj të 2022, edhe pse deri në 2026-ën nuk mund të ndryshojë asgjë, duke qenë se në Miami po përgatisin që tani organizimin e Botërorit 2026 që do të zhvillohet mes Shteteve të Bashkuara të Amerikës, Kanadasë dhe Meksikës.
Nëse projekti miratohet i gjithë kalendari futbollistik do të ndryshonte, plani i FIFA-s parashikon 10 muaj kompeticion, një muaj pushim dhe një muaj përgatitje fizike. Kampionatet kombëtare do të nisnin mes gushtit dhe shtatorit, por do të ketë vetëm dy pauza për kombëtaret, në tetor dhe në mar. Në janar zhvillohet botërori për klubet dhe në verë Botërori ose Europiani.
Problemi është që ky organizim do të linte vetëm 53 data, pra 53 ditë ndeshjesh për kampionatet kombëtare, dhe Kupat Europiane për klubet, 10 më pak nga sa janë aktualisht, dhe pikërisht për këtë arsye egziston edhe skepticizmi i UEFA-s, pa llogaritur këtu pakënaqësitë që do të shkaktoheshin te lojtarët që do të përballeshin me një numër më të madh ndeshjesh duke u rritur impenjimet me kombëtaret.
Arsene Wenger ish menaxher i Arsenalit dhe tani drejtor i sektorit të zhvillimit të FIFA-s, deklaroi për të përditëshmen franceze L’Equipe: Ideja bazë është që të rigrupohen ndeshjet e kombëtareve në një ose dy periudha gjatë vitit, në mënyrë që lojtarët të mos ju hiqen kaq shumë herë klubeve , dhe pasta në fund të sezonit të ketë gjithmonë një turne me ineters madhor, si Botërori apo Europiani.
