Ka kaluar më shumë se një vit që kur Fifi nisi rrugëtimin e gjatë për t’u dobësuar. Këngëtarja ka treguar se kjo lidhej me gjendjen e saj shëndetësore dhe jo se e kishte problem apo kompleks mënyrën se si trupi i saj dukej.
Tashmë që ka ardhur në super formë, Fifi nuk i kursen pozat edhe me bikini për fansat e saj në Instagram.
Ditën e djeshme, bukuroshja nga Kosova ndau me të gjithë dy foto, në të cilat shihej e veshur me bikini dhe në pjesën e poshtme kishte një fund.
Në njërën prej fotove, artistja thekson se e do trupin e saj ashtu siç është me të gjitha defektet, ndërsa në foton tjetër i drejtohet të gjithë atyre njerëzve që i shkruajnë me adresa fallco.
“E dua trupin tim imperfekt“, shkroi ajo në të parën.
Ndërsa në të dytën: “Ja edhe një për ju Instagram Fake që më doni shumë, më ndiqni vazhdimisht edhe s’doni të ma shprehni dashurinë me emër që mos të më rritet mendja”.
Nuk dihet se ç’po ndodh me jetën private të Fifit, por ajo ka treguar se ndihet shumë e dashuruar prej kohësh.
Ndryshimi drastik në pamje bëri që shumë meshkuj t’i kërkonin të lidhej me ta, por ajo që e ka befasuar më shumë Fifin është fakti se mes këtyre njerëzve ishin edhe ata që dikur e konsideronin thjesht “motër”.
