Më 25 maj do të zhvillohet në kryeqytet finalja e Conference League. Kryebashkiaku Erion Veliaj ka bërë të ditur se Tirana do të jetë e hermetizuar dhe do të ndiqet i njëjti protokoll siç u ndoq në vizitën e ish-presidentit amerikan George Bush dhe Papa Françekut.
“Mos e merrni rrugën për të ardhur në Tiranë, qyteti do të zbatojë protokollin që ndoqi në vizitën e Bush apo të Papa Françeskut. Qyteti do të hermetizohet. Pa një biletë për ndeshjen nuk futeni dot në Tiranë. Thirrja për të gjithë qytetarët, mos e merrni mundimin kot. Qytetarët e Tiranës të lëvizin sa më shumë në këmbë, sa më shumë me biçikleta. Transporti publik do të funksionojë”, tha ai.
Veliaj bëri me dije se Kryebashkiakët e Roterdamit dhe të Romës, dy qytetet e 2 skuadrave që luajnë finalen, do të jenë në Tiranë.
