Ambasada e SHBA në Tiranë jep të tjera informacione të tjera shtesë për të gjithë ata që duan të prekin ëndrrën amerikane.
Ambasada sqaron se arsimi me kohë të pjesshme nuk kualifikohet për lotarinë e vizave.
“Mos harroni që arsimi me kohë të pjesshme nuk kualifikohet për lotarinë e vizave. Aplikantët duhet të kenë mbaruar arsimin e mesëm me kohë të plotë që është i barasvlefshëm me arsimimin në të paktën një shkollë të mesme amerikane (4 vjeçare, me kohë të plotë, arsim i përgjithshëm). Diplomat e shkollës së mesme gjimnaz me kohë të plotë kualifikohen për lotarinë. Shkollat e mesme profesionale me kohë të plotë mund të kualifikohen nëse ato në thelb përputhen me kërkesat thelbësore të një të arsimi të mesëm me kohë të plotë të Shteteve të Bashkuara të Amerikës. Vendimi përfundimtar do të merret nga oficeri konsullor në ditën e intervistës për vizë’, thuhet në njoftim.
