Ish-kryeministri Sali Berisha ka mbajtur një fjalë lamtumire për ish-presidentin Bujar Nishani, para se ai të përcillet për në banesën e fundit.
Berisha u shpreh se veprat e ish-presidentit do të mbeten gjithmonë, së bashku me fisnikërinë, përkushtimin dhe shërbimet e çmuara ndaj Shqipërisë.
Një njeri të dashur, atdhetar, demokrat të flaktë dhe guximtar, e ka quajtur më tej ish-kryeministri Berisha.
“Sot këtu para teje ne jemi më të paktë në vete. Odeta ndihet sot më e paktë, më e trishtë se kurrë në jetën e saj për bashkëshortin fisnik që u largua para kohe.
Për Ersin, Fjonën sot është dita më e dhimbshme e jetës së tyre, por ata do jenë krenarë që patën fatin të kenë një baba si ti. Për Baba Faikun sot zija është më e rëndë se toka, por ai përsëri ndihet krenar se rriti një djalë si ti që i zbardhi faqen.
Për të gjithë ne të tjerët që patëm mundësi të njohim e bashkëpunojmë, do mbetesh një burim i pashtershëm frymëzimi dhe do kesh përgjithmonë mirënjohjen.
Dua të shpreh mirënjohje të thellë për familjen tënde dhe për ata që bën gjithçka që ti të mos niseshe në këtë rrugë”, përmbylli Berisha.
