Deputet të të gjitha partive politike janw duke nderuar figurën e Mbretëreshës Elizabeth II. Kryeministrja aktuale dhe ish-kryeministrat dhe drejtuesit e partive politike u ngritën në Dhomën e Komunave të veshur me të zeza për të ndarë histori personale ku përmendet dhe kujtohet zgjuarsia, mençuria dhe përulësia e Mbretëreshës së ndjerë .
Pas një minutë heshtjeje në mesditë, deputetët u ngritën një nga një për të përshkruar atë që Mbretëresha Elizabeth do të thoshte për kombin, publikun dhe botën më gjerë, si dhe për të dhënë kujtimet e tyre.
Boris Johnson, në fjalimin e tij të parë që kur dha dorëheqjen si kryeministër, bëri homazhe për mënyrën se si mbretëresha e ndjerë e kishte udhëhequr djalin e saj, tani Mbret.
Zoti Johnson tha: “Unë besoj se ajo do ta konsideronte si arritjen e saj më të lartë që djali i saj – Charles III – të ndjekë qartë dhe gjerësisht standardet e saj të jashtëzakonshme të detyrës dhe shërbimit .
This is how you do a parliamentary speech pic.twitter.com/fgRAYiWNp8
— Sebastian Payne (@SebastianEPayne) September 9, 2022
“Dhe fakti që sot mund të themi me kaq besim ‘Zoti ruajt Mbretin’ është një nderim për të, por mbi të gjitha për Elizabetën e Madhe, e cila punoi aq shumë për të mirën e vendit të saj jo vetëm tani, por për brezat që do të vijnë.
“Kjo është arsyeja pse ne e vajtojmë kaq thellë dhe është në thellësinë e pikëllimit tonë që kuptojmë pse e donim kaq shumë.”
Johnson, i cili e pa mbretëreshën e ndjerë të martën në pronën e saj skoceze Balmoral, e quajti atë “shtetaren dhe diplomaten më të madhe të të gjitha kohrave”.
Johnson më vonë shtoi: “Ajo ishte e paepur, me humor dhe me etikë pune”, cilësi që e bënë atë “Elizabetën e Madhe.” “Dhe kur e quaj kështu – Elizabeta e Madhe – duhet të shtoj një cilësi të fundit: përulësinë e saj.”
