Aktualitet

Fjolla Morina pranon autorësinë: E kisha harruar pistoletën brenda në çantë







Bëni LIKE faqen zyrtare në Facebook
               Publikuar në : 15:00 - 20/09/20 |
mapo.al

Këngëtarja Fjolla Morina pranoi në Policinë e Kukësit se pistoleta tip “Zoraki” dhe 23 fishekë për të cilën u arrestua dje, i përkasin asaj. Megjithatë, Morina u justifikua duke thënë se nuk e dinte që brenda çantës me të cilën po udhëtonte ndodhej arma e zjarrit, pasi e kishte vendosur aty prej kohësh.


“Unë i ndërroj shpesh çantat dhe armën e kisha vënë disa kohë më parë, pikërisht në çantë. E kam harruar aty. Sot e mora çantën pa ditur që pistoleta ishte ende aty brenda dhe udhëtova drejt Shqipërisë”, tha këngëtarja.


Çështja penale është regjistruar në Prokurorinë e Kukësit për akuzën e “Trafikimit të armëve dhe municioneve” kryer në bashkëpunim, akuzë kjo që parashikon dënim nga 10 deri në 20 vite burgim. Por edhe nëse trafikimi i armës nuk është kryer në bashkëpunim, Fjolla Morina rrezikon sërish një dënim që varion nga 7 deri në 15 vite burgim.



Policia dhe Prokuroria e Kukësit kanë kërkuar aktualisht ekspertimin balistik të dy pistoletave të kapura për të mësuar gjendjen teknike dhe nëse ka pasur gjurmë gishti të dy djemve të tjerë që ndodheshin në makinë me këngëtaren.


Fjolla Morina u arrestua në orët e para të mëngjesit të djeshëm në vijën e dytë të kontrollit në Morinë teksa po i jepte makinës tip “Audi”, shoqëruar me dy djem të rinj kosovar, banues në Belgjikë.



Etiketa: , ,

Pas