17-vjeçarja, e cila u abuzua seksualisht nga disa persona dhe kur tentoi të fliste i vendosën tritol në shtëpi, ka rrëfyer detajet për mediat.
Ajo ka treguar se është abuzuar seksualisht, droguar e më pas shfrytëzuar si prostitutë, për 8 muaj. Minorenia ka thënë se i bënin presion se do t’i trafikonin edhe motrat nëse nuk u bindej urdhrave të tutorëve.
“Jam abuzuar seksualisht që kur isha 16 vjeçe. Me jepnin droga të forta dhe më detyronin të kryeja marrëdhënie me ta. Shpesh herë edhe më dhunonin fizikisht. Më parë kam konsumuar hashash. Kur festova ditëlindjen e 16-të një djalë që më ngacmonte më dha kokainë. Ajo më bënte të mos isha e përgjegjshme për veprimet e mia.
Jam shfrytëzuar si prostitutë për 8 muaj. Para akteve seksuale që kryheshin pa vullnetin tim më jepnin drogë. Ata shfrytëzonin faktin që babai im ishte në burg. Kanë tentuar të më trafikojnë edhe në Greqi. Shpesh më kërcënonin se do abuzonin seksualisht dhe do trafikonin motrat e mia nëse unë i denoncoja”,– rrëfen vajza.
Ajo ka thënë se ka qëndruar 3 muaj në një qendër rehabilitimi në Vlorë dhe është pastruar nga droga. 17-vjeçarja u ka bërë apel gjithë bashkëmoshatarëve që të mos i besojnë askujt, por vetëm familjarëve.
Etiketa: 17-vjeçarja e abuzuar seksualisht
