Aktualitet

Flet e plagosura nga ngjarja e djeshme në Tiranë: Po blija bukën, kam marrë dy plumba














Bëni LIKE faqen zyrtare në Facebook
               Publikuar në : 10:21 - 11/04/20 |
mapo.al

Vajza që mbeti dje e plagosur nga shkëmbimi i zjarrit mes policit dhe të shumëkërkuarit Bilbili, tregoi rrethanat se si ndodhi ngjarja. Ajo tha se kishte dalë për të blerë bukë në lagje pranë Maternitetit të ri, kur dëgjoi një krisëm, që në fillim iu duk si kapsollë, sepse nuk besonte se në mes të ditës mund të ndodhte ajo.






E plagosura, në një intervistë për News24, tha se ka marrë dy plumba, njërin në këmbë, dhe sipas saj ajo është plaga më e rëndë, dhe tjetrin në krah, që ka qënë rrikoshetë.


Vjaza e dëmtuar nga ngjarja e djeshme, rrëfeu se plumbin e ka ende në këmbë, dhe mjekët i kanë thënë se duhet të bëjnë kujdes, pasi mund të ketë infeksion.







Ajo tregoi se pa dy burra që ndiqnin njëri tjetrin, dhe në një moment, atij me të zeza, që është i dyshuari si killer në shumë ngjarje të rënda në Lushnje, i ra pistoleta në tokë. Aty kuptoi rrezikun, dhe tentoi të fshihej pas një muri. Në atë çast, ka patur të shtëna, dhe ka vënë re se një plumb e kapi në këmbë.




E plagosura tha se ndodhet nën kujdesin e mjekëve dhe kishte merakun e prindërve që i ka vetëm në shpi dhe nuk dëshironte të tronditeshin më shumë nga kjo ngjarje.



Çfarë po bënit kur ndodhi ngjarja?
Kisha dalë nga shtëpia, se kisha orarin për të bërë pazarin, për të blerë ushqimet e shtëpisë, se kam dy pleq në shtëpi. Isha duke mbajtur radhën, se kishte radhë market. Në momentet kur po prisja jashtë, nga cepi i marketit, te një rrugicë, u dëgjua një si kapsollë dhe s’i vura veshin, se nuk ma mori mendja të ndodhte diçka e tillë në mes të ditës. Në momentin që pashë se dolën nga rrugica dy vetë, njëri me të zeza, tjetri nga pas që gjurmonte me vrap, u vura në siklet dhe u mundova të futesha te dyqani, por nuk futesha dot, se kishte shumë njerëz. E dija se aty isha më afër dhe do më kapte më keq. Mu ngjitur me marketin është një mur i vogël dhe thashë të fshihem aty, se mbase s’më kap. Në ato momente, djalit i bie pistoleta në tokë, unë ktheva kurrizin dhe u pengova me një zotëri, kur më qëlloi, por nuk e pashë kush më qëlloi.

Sa plumba keni marrë?
Një e kam te këmba, që ka dhe gjakderdhje, te këmba mbrapa kofshës, një edhe pas krahut, që thonë është qorr, ka kaluar shkarazi. Ndërsa në këmbë më thonë që vijon të jetë plumbi. Unë kam shumë dhimbje, jam e shqetësuar. Mjekët thonë se nëse plumbi ikën nga aty, ka burim infeksioni. Se në momentin që është future plumbi, ka djegur gjithçka, mishin, se isha afër.

 

LEXO EDHE:

I cilësuar ‘killer’, Orges Bilbili nuk pranon të flasë, po hetohet për disa vrasje

 

1


Etiketa: ,

Pas