Uljan Kolgjegja, i cili tentoi të vetëdigjej një ditë më parë, përpara godinës së kryeministrisë, nuk është një taksist i zakonshëm pasi është i njohur për publikun falë tatuazheve që ka në trup, Marina Vjollcën në krah dhe ish-kryeministrin Sali Berisha në gjoks.
Marina Vjollca u mrekullua nga fansi i saj dhe publikoi në mediat sociale një fotografi me të.
Kolgjegja e ka patur zakon që taksinë e tij ta modifikojë me personazhe të njohur e madje ka vendosur edhe flamurin amerikan dhe ka bërë “fushatë” për Donald Trump gjatë periudhës së zgjedhjeve edhe pse askush nuk mund ta votonte Trump nga Shqipëria.
Arsyeja që tentoi t’i vendoste flakën vetes ishte policia se i ka hequr patentën, gjë që ka ndikuar në gjendjen e tij psikologjike.
Siç shihet dhe në pamjet e siguruara nga Mapo, Kolgjegja vjen me biçikletë nga rruga përballë kryeministrisë dhe me shishe benzine në dorë, ndërsa pak sekonda më pas, ai ngjiten tek kryeministria dhe fillon të lyhet me lëndën djegëse.
Gjatë momentit kur po shoqërohej në Polici, Kolgjegja mësohet të ketë thënë se ‘nuk e shtyj dot në këtë mënyrë’.
LEXO EDHE:
DALIN PAMJET/ Momenti kur taksisti tenton të vetëdigjet përpara kryeministrisë
