Prej më shumë se 20 vitesh banorët e lagjes numër 17 në qytetin e Durrësin janë të detyruar të bashkëjetojnë më një kanal të madh të ujërave të zeza. Me dhjetëra familje të vendosura në rrugën “Azem Hajdari” kanë investuar gjithë kursimet e jetës për të ndërtuar shtëpi të bukura,por askush nuk është kujdesur as t’u shtrojë rrugën dhe as tu mbyllë kanalin.
Ky kanal i madh që disa banesave e kanë ne themelet e rrethimit është kthyer edhe në një vendgrumbullim mbetjesh urbane duke u kthyer në një masakër ekologjike për banorët. Kanali çdo ditë vjen dhe zgjerohet më shumë dhe brenda pak vitesh do të hyjë në oborret e shtëpive, teksa institucionet heshtin dhe protestat e banorëve kanë rënë në vesh të shurdhër.
Drejtuesit e pushtetit vendor janë në dijeni të problemit por thonë se nuk mund ta mbyllin pasi rrezikohen përmbytje. Me ketë logjike i bie që të gjitha kanalet e ujërave të zeza të qytetit mos të mbyllen, e kjo është një barbari pikërisht në vendin ku janë kyçur në turbina Hec-esh lugina si në Valbonë e kudo mbarë Shqipërisë. Banorët e zonës kanë sjellë këto foto te Mapo që tregojnë gjendjen e mjeruar të kësaj zonë që është vetëm 2 km nga qendra e qytetit të Durrësit.
Fotot e publikuara nuk kanë nevoje për shumë koment, teksa tregojnë se si këta banorët jetojnë si të internuar në qytetin ku erdhën për një jetë më të mirë. Shumë prej këtyre banorëve kanë ardhur fëmijë në këtë vend, e sot janë bërë vetë më fëmijë që do detyrohen ti rrisin buzë këtij kanali që është kthyer në makthin e tyre.
