Ka ardhur në Shqipëri skuadra e parë, që do të përballet mbrëmjen e së mërkurës në “Air Albania”.
Në një postim në Twitter, Fejnordi ka publikuar disa fotot të futbollistëve teksa zbresin nga avioni në aeroportin e Rinasit. “Arritëm në Shqipërinë e bukur”, shkruan klubi holandez.
Nën shoqërimin e masave të sigurisë, ata do të transportohen drejt hotelit akomodues. Pritet që sot të vijë edhe skuadra e Romës. Dy skuadrat do të ndeshen nesër për kupën e Conference League.
Ndërkohë tifozëritë kanë ardhur që prej mëngjesit të sotëm. Një sërë masash janë marrë për mbarëvajtjen e këtij evenimenti të rëndësishëm të futbollit, i pari i kësaj rëndësie që zhvillohet në vendin tonë.