Një aksident i rëndë me pasojë plagosjen e dy personave ka ndodhur sot pasdite në aksin Lezhë-Laç pranë zonës së njohur Fushë Milot. Sipas raportimeve të para nga vendngjarja, mësohet se të plagosur kanë mbetur drejtuesi dhe pasagjeri i njërit prej mjeteve (burrë dhe grua), të cilët janë transportuar me urgjencë drejt Spitalit Ushtarak në Tiranë në gjendje të rëndë.
Identiteti i tyre ende nuk është bërë i ditur por Policia dhe Grupi Hetimor ndodhen në vendin e ngjarjes për të zbardhur rrethanat dhe shkaqet e aksidentit. Siç shihet në pamjet më poshtë, autopjeti tip “Benz” është krejtësisht i shkatërruar si pasojë e përplasjes së fortë me një mjet tjetër. Dëshmitarë të rastit mësohet të kenë thënë se makina ka fluturuar disa metra në ajër si shkak i përplasjes.
