Kjo foto kaq prekëse tregon një vogëlush, që mbeti zemërthyer pasi askush nuk i shkoi për ditëlindjen e tij të gjashtë. Fotoja tregon se si Teddy pret i vetëm në një tavolinë të gjatë dhe të zbrazur.
Teddy u kishte dërguar ftesa të gjithë shokëve të klasës, por asnjëri nuk erdhi.
Mamaja e tij, Sil Mazzini thotë se kishin dërguar 32 ftesa, por askush nuk u shfaq. “Nuk do bëj festa më për një kohë,” tha ajo.
Megjithatë fotoja e djaloshit ka bërë xhiron e rrjetit dhe shumë njerëz i kanë deklaruar mbështetjen.
Ekipi i basketbollit ‘Phoenix Suns’ madje e ka ftuar djalin për t’ia festuar ditëlindjen në fushën me parket.
