Reshjet intensive të shiut kanë shkaktuar jo pak përmbytje në mbarë vendin. Një ndër fshatrat më të prekur ka qenë Oboti i Shkodrës.
Nga pamjet e siguruara nga MAPO, duket se lëvizja atje nuk është e mundur me asnjë mjet tjetër veç se skafit i cili është siguruar nga Forcat e Armatosura.
Trupat e Forcave të Armatosura kanë evakuar pjesën e rrezikuar të banorëve shtëpitë e të cilëve gjenden nën ujë.
Prej situatës alarmante, duket të jetë vënë në lëvizje edhe Ministri i Brendshëm Niko Peleshi i cili paralajmëroi përkeqësimin e situatës.