Katër anëtarë të familjes Bibaj humbën jetën orët e para të mëngjesit të kësaj të diele në një aksident rrugor pranë Qendrës Tregtare TEG, në hyrje të Tiranës. Viktima të këtij aksidenti kanë mbetur Bardhok Bibaj 58 vjeç, bashkëshortja e tij Valentina Bibaj, një nga vajzat, Florida Bibaj 22 vjeçe, ndërsa vajza tjetër Xhuliana Bibaj, 26 vjeçe, ka pësuar vdekje klinike.
Familja udhëtonte me një automjet tip BMW me targa AA472 PE, me drejtues Arlintin Alia. Ky i fundit ndodhet në gjendje kritike për jetën në Spitalin e Traumës në kryeqytet. Në pamjet duket bordura e dëmtuar nga goditja e automjetit dhe më tej janë ende ne vendin e ngjarjes copat e makinës të shpërndara.
Automjeti i aksidentuar është larguar nga vendi i ngjarjes nga forcat e rendit, ndërsa zona nuk është e rrethuar dhe as nuk ka prezencë policie kjo edhe për faktin se aksidenti ka ndodhur rreth orës 03:00 të mëngjesit të sotëm.
Familja Bibaj po kthehej nga një festë në momentin e tragjedisë. Një prej vajzave kishte ditëlindjen dhe familja kishte festuar deri në orët e para të mëngjesit në një restorant në Elbasan. Në hyrje të Tiranës ata janë përfshirë në një aksident fatal i cili iu mori jetën tragjikisht tre prej anëtarëve të familjes. Shkak për aksidentin paraprakisht dyshohet të ketë qenë shpejtësia tej normave të lejuara dhe humbja e kontrollit të makinës nga ana e drejtuesit Arlind Alia.
LEXO EDHE:
Ktheheshin nga ditëlindja, si u shua në aksident familja Bibaj/FOTO
Aksidenti, shkon në 3 numri i të vdekurve në Tiranë, dy në koma
