Dy persona kanë përfunduar në prangat e policisë italiane në zonën e Aquilas për trafik droge.
Njëri prej tyre është një 40-vjeçar shqiptar, emri i të cilit nuk bëhet i ditur. Policia ka ndarë detaje nga operacioni si dhe foto nga lënda narkotike e sekuestruar brenda banesës së dy të arrestuarve.
Brenda në banesë u gjetën 23 doza të vogla kokaine me një peshë prej 10 gramësh si dhe 5 pako kanabis me një peshë prej 450 gramësh. Kanë qenë fqinjët e të arrestuarve që kanë thirrur policinë duke u shprehur se në banesën e tyre kishte shumë hyrje-dalje nga persona të ndryshëm.
Policia dërgoi në vendngjarje dy efektivë të veshur civilë të cilët qëndronin në hyrjen e pallatit. Ata vunë re se shumë persona hynin dhe dilnin nga ndërtesa dhe pasi pikasën apartamentin e trafikantëve, hynë dhe bënë të mundur arrestimin e tyre.
Në ndihmë të dy oficerëve erdhi dhe një patrullë tjetër, me ta dhe qentë antidrogë të cilët zbuluan lëndët narkotike të fshehura në apartament. Sipas mediave italiane, të rinjtë e kishin fshehur kanabisin në një vrimë të hapur në dysheme. Ata kishin shkulur një pllakë ku poshtë saj kishin hapur vrimën, të cilën më pas e mbulonin sërish.
Gjithashtu policia gjeti dhe 2.390 euro dhe materiale për peshimin dhe paketimin e lëndës narkotike. Gjatë operacionit, një person i ra cetefonisë së pallatit dhe u ngjit në apartamentin e trafikantëve ku u prit nga efektivët e policisë.
Ai u shpreh se kishte ardhur për të blerë drogë nga dy autorët. Të dy shpërndarësit e drogës u arrestuan dhe u dërguan në Marassi në dispozicion të Autoritetit Gjyqësor.
Etiketa: itali, trafik droge
