Një sezon fantastik ishte ky që lamë pas për futbollistin me origjinë shqiptare, Enis Bardhi. Ky i fundit u shndërrua në lojtarin kryesor të Levantes, teksa ka arritur të shënojë 9 gola.
Specialiteti dhe pika e fortë e këtij futbollisti janë goditjet e dënimit, ku një perlë të tillë e dhuroi edhe ndaj Barcelonës në fitoren dramatike me rezultatin 5-4.
Futbollisti shqiptar i Levantes që ka qenë protagonist gjatë kohëve të fundit në rrjetet sociale me batutën e famshme “jam nona”, tashmë ka interesimin e klubeve elitare në Europë.
Sipas asaj që raporton “ESPN”, për Enis Bardhi interesohen skuadrat e Interit dhe PSG-së.
Gjatë ditëve në vijim pritet të zbardhet e ardhmja e mesfushorit shqiptar të Levantes./Klaudio Ndreca- vipsport.al/
