Tentativa për të shpifur ndaj kundërshtarit politik, e duke tentuar që të dalë burrë i mirë në sytë e Rusisë, e ka nxjerrë Edi Ramën blof sot në Moskë.
Gjatë konferencës së mesditës së sotme në Moskë, ministri i Jashtëm rus, Sergei Lavrov deklaroi se kishte nënshkruar një marrëveshje me ministrin e Jashtëm të Shqipërisë, në vitin 2004, kohë që këtë detyrë e ka mbajtur Kastriot Islami.
Por duke dashur të sulmojë kreun e opozitës në Shqipëri, Rama aludoi duke thënë se ‘ka pasur marrëveshje të nënshkruar mes jush dhe udhëheqësit të sotëm të opozitës’.
Shpresojmë që kryeministri të mos ketë kuptuar siç duhet përkthimin nga rusishtja në anglisht, pasi nëse do të ishte e qëllimshme, thjesht e vetëm për të stigmatizuar kundërshtarin politik, do ishte e turpshme.
