Ish-deputetja e Partisë Demokratike, Albana Vokshi e cilëson garën për kreun e Autoritetit të Mediave Audiovizive, të degjeneruar. Në një postim në rrjetin social “Facebook” Vokshi shprehet se kryetari është i projektuar nga Rilindja dhe është i biri i Pirro Mishës, i cili u zhvendos nga AMA drejt postit drejtues në Bibliotekën Kombëtare.
“Ai që Rilindja ka projektuar si kryetar është djali i babit që lëshoi karrigen në AMA për t’u bërë drejtor pensionist në Bibliotekën Kombëtare. Tani vendin do e zërë i biri, duke vijuar besnikërinë dhe përuljen ndaj udhëheqjes”-shkruan Vokshi.
Më tej, shprehet se se dy kandidatët që paraqitën aplikimin në parlament për postin vacant të kryetarit të AMA-s, ishin dy zëdhënës ministrish.“Nuk kishte se si të ndodhte ndryshe. “Fatosat” e partisë janë gati për të marrë shpërblim dhe të bëjnë kamikazin për uzurpimin e tregut të medias audiovizive, për të penguar me çdo çmim fjalën e lirë dhe për të burgosur e sakatuar gazetarët. T’i bëjnë të 99-at medias, për ta “rilindur” dhe atë, siç po bëjnë me “sukses” kudo!”