Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, për lirim.
Mediat e Kosovës, bëjnë me dije se gjyqtari francez Hudge Nicolas Guilloi, nuk ka pranuar garancinë e ofruar nga dy shtete për lirimin nga paraburgimi të ish-presidentit të Kosovës.
Ka qenë gjyqtari i procedurës, Guilloi, që ka marrë vendimin duke e lënë sërish pas 9 muajsh në burg Thaçin.
Paraprakisht, avokati i ish-presidentit Thaçi, Gregory Keohe, ka dërguar në Gjykatë parashtresat e tij për lirimin nga paraburgimi të ish-presidentit.
Keohe përveç kundër-argumentimit të fakteve të prezantuara nga Prokuroria, ka dhënë detaje edhe për garancitë e ofruara për lirimin nga paraburgimi të Thaçit, por megjithatë kjo nuk është marrë parasysh nga Gjykatësi.
