Gazetari Artan Hoxha i është rikthyer sot fotos së publikuar në rrjetet sociale ku kryeministri Edi Rama ka pozuar me Ardian Çapjan.
Pas atentatit të sotëm ndaj Çapjas, i cili njihet edhe si ‘i forti” i Elbasanit, gazetari i bën thirrje kryeministrit të ketë kujdes se “e ha si ‘dem anësor’”.
Në një postim në rrjetet sociale teksa ka publikuar edhe fotot më poshtë, gazetari Artan Hoxha shkruan:
“Udhëheqës, kur të sugjerojmë, mos shko vend e pa vend, mos tako gjithkënd që të fton, nuk kemi hallin e atyre, “biznesmenëve” të shërbimit social, se ata kanë 20 vite që i dalin zot vetes. Kemi hallin tënd, se e ha si “dem anësor”, dhe na lë kombin mes 4 rrugëve!!!”
Kujtojmë se mëngjesin e sotëm, Ardian Çapjas, iu bë atentat para banesës me sniper. Një plumb, e preku Çapjan në shpatull, ndërsa tani ndodhet në spital në gjendje kritike. Bëhet me dije, se Çapja i ka shpëtuar edhe dy atentateve të mëhershme, në gusht dhe dhjetor të vitit 2017.
LEXO EDHE:
I shpëtoi atentatit të tretë, kush është Ardian Çapja dhe historiku i përplasjeve në Elbasan
