Kryesore

Gazetari Tiede: Si i gjeta përgjimet, mafia po qeveris Shqipërinë






               Publikuar në : 12:47 - 05/06/19 |
mapo.al

Gazetari Peter Tiede, që shkaktoi kaq shumë reagime në Shqipëri me shkrimet e tij, sidomos me artikullin e së mërkurës, reagoi në rrjetet sociale. Gazetari i të përditshmes më të madhe gjermane, Bild, shkruan se ai ka përshtypjen se Shqipërinë e qeveris mafia.


“Për shkak se qeveria në Shqipëri e mohon kaq ashpër se mafia blen votat: disa përgjime për t’u dëgjuar- të marra nga policia. Të mbyllura deri këtë ditë.

Baroni i drogës, që shfaqet këtu, u arrestua për trafik heroine- dhe u lirua sërish- pasi u depresionua në burg dhe mori një certifikatë siç i kërkohej. Të mëdhenjtë duan të jenë të lirë në Shqipëri- ata paguajnë mirë dhe sigurojnë vota. Pyetja e vetme është: A e manipulon mafia politikën apo ajo e qeveris vendin?

Përshtypja ime: ajo e qeveris vendin.

Një hetues më ka thënë: Ne e humbën luftën, mafia e drogës e mori në dorë shtetin tonë.

Për shkak se disa policë dhe prokurorë nuk duan të dorëzohen, sepse duan të veprojnë kundër udhëheqjes së korruptuar policore, ne arritëm të sigurojmë materialin.

Falenderimet e mia për hetuesit e guximshëm dhe gazetarët inteligjentë në Shqipëri, të cilët nuk po heqin dorë,” shkruan gazetari.

SHKRIMI I PLOTE I BILD: Ja si i manipulon mafia votimet në Shqipëri


Etiketa: , , , , , , ,

Pas