Aktualitet

George Frendo: Kthimi i Shën Sofisë në xhami ka krijuar keqardhje në botë





Bëni LIKE faqen zyrtare në Facebook
               Publikuar në : 20:00 - 12/07/20 |
mapo.al

Konferenca Ipeshkvore e Shqipërisë ka reaguar zyrtarisht pas vendimit të Turqisë për të kthyer në shami Kishën e Shën Sofisë.


Arqipeshkvi i Tiranë-Durrësit, George Frendo deklaron se kthimi i Kishës së Shën Sofisë në Xhami funksionale nga ana e Turqisë ka krijuar shumë habi dhe keqardhje në botë.


Përmes një reagimi zyrtar, Imzot George Frendo deklaron se duke qenë se Hagia Sofia i përket trashëgimisë botërore do të duhej të merreshin vendime të bashkëndara e ai objekt të mbetej i tillë, i hapur dhe i vizitueshëm nga të gjithë e duke u përkitur të gjithëve.


Deklarata e plotë:


Tirana, më 12 korrik 2020

KTHIMI I KISHËS SË SHËN SOFISË NË XHAMI

Kthimi i Kishës së Shën Sofisë në Xhami funskionale nga ana e Turqisë ka krijuar shumë habi dhe keqardhje në botë.

UNESCO e ka dënuar këtë akt duke shprehur keqardhjen për këtë vendim për të cilin nuk ka pasur diskutime paraprake duke qenë se objekti është në listën e trashëgimisë botërore. Edhe shumë autoritet të tjera fetare e kulturore e kanë dënuar këtë vendim duke shprehur keqardhjen e tyre.

Sot në lutjen e Engjëllit të Tënzot Papa Françesku ka shprehur dhimbjen e tij të thellë për këtë akt.
Ky vendim nuk i shërben sigurisht atyre vlerave të bashkëjetesës dhe të ruajtjes së disa parimeve të së drejtës ndërkombëtare.

Duke qenë se Hagia Sofia i përket trashëgimisë botërore do të duhej të merreshin vendime të bashkëndara e ai objekt të mbetej i tillë, i hapur dhe i vizitueshëm nga të gjithë e duke u përkitur të gjithëve.

Imzot George Frendo
Arqipeshkvi i Tiranë-Durrësit
Kryetari i Konferencës Ipeshkvore të Shqipërisë


Etiketa:

CLOSE
CLOSE
Pas