Barcelona po përjeton një gjendje lufte me protestuesit që e kanë kthyer qytetin në një fushë beteje me Policinë. Zjarre, makina të djegura, vitrina dyqanesh të thyera, përplasje fizike mes uniformave blu dhe qytetarëve.
Situata kaotike ka vënë në alarm drejtuesit e La Ligas për zhvillimin e ndeshjes El Clasico në Camp Nou. Ata propozuan që të ndryshohet stadiumi dhe të luhet takimi i parë kundër Realit në Bernabeu, ndërsa ndeshja e dytë në Camp Nou, por drejtuesit e Barcelonës refuzuan menjëherë.
“El Chiringuito” mëson propozimin e fundit të La Ligas, drejtuesit e kampionatit duan që ta shtyjnë sfidën dhe të mos luhet me 26 tetor sipas kalendarit, por më 18 dhjetor me shpresën se protestat do të mbyllen me aq.
Kujtojmë se portestat janë organizuar si reflektim pas dënimit të drejtuesve të pavarësisë në Katalonjë. Protestuesit kanë sulmuar policinë, i kanë vënë zjarrin kazanëve të plehrave dhe kanë ngritur barrokada. Lufta guerile u zhvillua në të gjithë zonën e Passeig de Gràcia, një nga më të vizituarat nga turistët.
💣¡EL CLÁSICO, EN EL AIRE!
Estas son las OPCIONES que se barajan a la espera de confirmación oficial. #JUGONES pic.twitter.com/RB6lTwzliN
— El Chiringuito TV (@elchiringuitotv) October 17, 2019
Etiketa: barcelone, El Clasico, gjendje lufte, ideja e fundit
