Bashkëkryetari i Komisionit të Reformës Zgjedhore, Damian Gjiknuri në takimin e Këshillit Politik është shprehur se, tashmë ndryshimet kushtetuese janë në fuqi.
Sipas ABC News bëhet me dije se Gjiknuri ka thënë se tashmë institucionet duhet të kenë bazën ligjore të plotë, për zgjedhjet.
“Ndryshimet kushtetuese tashme janë në fuqi. I doni apo nuk i doni kjo është tjetër çështje. Kemi Kushtetutën në fuqi dhe detyrimin për ta reflektuar në Kodin Zgjedhor. Ju lutem, ju ftoj që në ditët e ardhshme, deri të Premten të sillni propozimet tuaja për: 1) pragun kombëtar zgjedhor, 2) afatet e paraqitjes së listës unike nga aleancat dhe 3) si do kryhet aspekti procedural i votimit për kandidatët në kushtet e listave te hapura duke ruajtur kuotat gjinore. Nuk duhet humbur kohe. Duhet ti japim bazën ligjore të plotë institucioneve që të përgatisin zgjedhjet”, është shprehur Gjiknuri.
Etiketa: Gjiknuri, Keshilli Politik, Reforma Zgjedhore
